fredag 17. juli 2009

Studietur til "Eplet" og Solvorn
-perla ved Lustrafjorden.

Når ein skal starte opp med noko nytt må ein ut og skaffe seg kunnskap. Me tok turen til Eplet som ligg i Solvorn. Der er det ein kar som har starta opp med noko skikkeleg unorskt: eit hostel. Det var ein skikkeleg opptur! Me kom til ein frodig gard med ein hage full av bringebær. Rundt oss var der utruleg trivelege folk frå heile verda (Eplet satsar ut mot den utanlandske marknaden). Me låg på sovesal saman med ei dame frå Uruguay, så no veit me ein god del meir om det landet! (i tillegg til at me veit mykje meir om kva turistar ser etter når dei kjem til det flotte landet vårt).




Me hadde med oss ungane til Eplet, og dei stortrivest med kopplam i hagen, klatrevegg på kjøkenet, crocket-golf og gratis utlån av syklar. Me vaksne storkosa oss med fantastisk vertskap, fantastisk utsikt, fantastisk god heimelaga eplejuice og bringebærnektar, og rett og slett ei deilig helg i Solvorn.
Dei har vore utruleg flinke til å ta vare på detaljane på den vesle tettstaden sin. Og slikt likar me! Sjå berre på dette flott, gamle skiltet som er nede på kaia:




Både vaksne og born tykkjer det er moro å gå på tur når ein samstundes kan verte informert om kva ein ser langs vegen på slike fine infotavler:



Det er ofte så lite som skal til før totalopplevinga løftar seg fleire hakk! (Det må me hugsa på no når me skal setje i gang vår prosess og.....)

Må og få lov å vidareformidle nokre stemningsbilete frå Solvorn:





Konklusjon:

Eplet var ein flott stad å overnatte! Og Solvorn var ein flott stad å besøke! Me kan på det varmaste anbefale alle å ta turen dit.
(-og då har me heilt gløymt å nemne at me aldri har ete så god hamburgar som me fekk servert på Linahagen kafe som ligg nede ved kaien. Og me har heller ikkje nemnt at når me vert eldre og rikare så skal me reise og overnatte på flotte Walaker hotel som og held til i same grenda...)

-t-

6 kommentarer:

mali-mo sa...

Så flott det så ut der!!! SKal prøve å huske dette når neste helgeutflukt skal planlegges, så takk for tips ;)

Trollkåno sa...

Å, ja, her var det fint......hørest veldig bra ut òg.
Har nok vore her ein gong eller to...men aldri overnatta.

Vita ljuva tankar sa...

Åh vilken vacker miljö!

Linda:)

Anonym sa...

fekk lyst å reise hit! takk for tips!
-N-

Lycke sa...

Hello hello Hilde!
Förlåt jag dröjde med att svara tillbaka, det var inte alls meningen..har bara haft så förfärligt mycket att göra..huija huija..hu...!

Jo, du har nog rätt det blir allt för dyrt för mig...tänk att det ska vara så hiskeligt mycket pengar att skicka mellan Norge och Sverige!!! Får försöka få tag på gogrejerna på annat håll...fast detta ger ju en än större anledning att fara över och besöka eran butik istället vid tillfälle, hihi...

Hääärliga bilder ni visar här..blir ju bara mer och mer ressugen jag...

Kramis Lycke

Frk. Maya sa...

Så klart er det er greit at dere linker meg, det er bare hyggelig:) Så mange fine bilder av vakre hus og landskap! Får skikkelig lyst på norsk sommertur jeg nå:D

Maya