Patina-kjeks frå opningsdagen.

Som kjent opna me Patina-butikken att i går etter å hatt vinterstengt ein periode. Det var mange svært trivelege kundar innom, og 2 av dei spurte om me ikkje kunne leggje ut oppskrifta på småkakene våre på bloggen. Kjeksa me spanderte i går er i ekte Patina ånd: me tek ei godt brukt oppskrift, gjer litt fornyingar og vips så vart det noko litt nytt og spanande! Gårsdagens variant var som fylgjer:

Oppskrift på Patina sine havrekaker.

200 gr smør

3,5 dl sukker

1 egg

2 ss vatn

2 dl kveitemjøl

1 ts kanel

1 ts vaniljesukker

1 krm salt

0,5 ts natron

6 dl havregryn

2 dl rosiner

2 dl hakka valnøter/hasselnøter/mandlar

1 pl kokesjokolade

Rør smør og sukker kvitt. Tilsett egg og vatn. Bland i alt det tørre. Bruk gjerne fleire typar nøter samstundes, og det er knallgodt med både kvit og brun sjokolade oppkutta i bitar! Sett litt store spiseskeier med røra på ei smurt plate og steik i 12 minutt på 175 grader. La kakene avkjøle litt på plata før du avkjøler på rist og tilslutt puttar dei oppi ein fin gamal boks....;-) Kakene held seg lenge og er akkurat like gode etter nokre dagar!

Nyt!

Patina-T